شاطر
استعرض الموضوع السابقاذهب الى الأسفلاستعرض الموضوع التالي
avatar
مسك الجنة
عدد المساهمات : 277
تاريخ التسجيل : 22/03/2010
العمر : 25

خمس حالات ينفع الولد يكلم فيها البنت

في الأحد مايو 16, 2010 10:51 am
حالات الاختلاط الجائز:

1. الاختلاط للضرورة :

من أمثلة الاختلاط للضرورة ما قاله الإمام النووي فقد قال رحمه الله تعالى وقال أصحابنا: ولا فرق في

تحريم الخلوة حيث حرمناها بين الخلوة في الصلاة أو غيرها ويستثنى من هذا كله مواضع الضرورة بأن

يجد امرأة أجنبية منقطعة في الطريق أو نحو ذلك فيباح له استصحابها بل ويلزمه ذلك إذا خاف عليها لو

تركها وهذا لا خلاف فيه





2* الاختلاط لإجراء المعاملات الشرعية:
إجراء المعاملات المالية الجائزة لها من بيع وشراء وغيرها لأن إجراء هذه المعاملات يستلزم عادة

اجتماعها مع الرجل للمساومة ورؤية محل العقد

3* الاختلاط لغرض تحمل الشهادة:

يجوز للمرأة أن تكون شاهدة في قضايا الأموال وحقوقها, قال تعالي: ( يَا أَيُّهَا الَّذِينَ آمَنُواْ إِذَا تَدَايَنتُم بِدَيْنٍ

إِلَى أَجَلٍ مُّسَمًّى فَاكْتُبُوهُ وَلْيَكْتُب بَّيْنَكُمْ كَاتِبٌ بِالْعَدْلِ وَلاَ يَأْبَ كَاتِبٌ أَنْ يَكْتُبَ كَمَا عَلَّمَهُ اللّهُ فَلْيَكْتُبْ وَلْيُمْلِلِ

الَّذِي عَلَيْهِ الْحَقُّ وَلْيَتَّقِ اللّهَ رَبَّهُ وَلاَ يَبْخَسْ مِنْهُ شَيْئًا فَإن كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لاَ


يَسْتَطِيعُ أَن يُمِلَّ هُوَ فَلْيُمْلِلْ وَلِيُّهُ بِالْعَدْلِ وَاسْتَشْهِدُواْ شَهِيدَيْنِ من رِّجَالِكُمْ فَإِن لَّمْ يَكُونَا رَجُلَيْنِ فَرَجُلٌ

وَامْرَأَتَانِ مِمَّن تَرْضَوْنَ مِنَ الشُّهَدَاء) ( البقرة: 282 ).


وتحمل المرأة الشهادة يستلزم حضورها ما تشهد عليه من معاملة, وقد تكون بين رجلين أو أكثر, فيجوز لها

هذا الحضور وما يقتضيه من اجتماعها بأطراف المعاملة من الرجال.

الاختلاط لغرض أعمال الحسبة: (الوزارة يعني الان )

الدليل أن عمر بن الخطاب- رضي الله عنه- ولى ( الشفاء )- وهي امرأة من قومه- السوق أي: فعمر

ولى الشفاء الحسبة, لتراقب السوق, فتأمر بالمعروف, وتنهى عن المنكر, وفي هذا مخالطة لأهل السوق.




4* الاختلاط للقيام بأعمال الجهاد:

ومن أمثلة هذا النوع من الاختلاط اشتراك النساء في الجهاد, بأن يقمن بنقل الماء إلى المقاتلين ومداواة

الجرحى منهم, ونحو ذلك من الأعمال وكلها جائزة ومشروعة, وإن استلزمت أو اقتضت مخالطة النساء

للرجال, لأن هذه الأعمال تحقق مصلحة شرعية أذن الشرع الإسلامي للنساء بالقيام بها, ويدل على ذلك

ما روته الربيع بنت معوذ, قالت: (( كنا نغزو مع النبي- صلى الله عليه وسلم- فنسقي القوم, ونخدمهم,

ونرد القتلى إلى المدينة)). وفي رواية: (( كنا مع الني- صلى الله عليه وسلم- نسقى, ونداوي الجرحى,

ونرد القتلى إلى المدينة)).
5* الاختلاط لغرض استماع الوعظ والإرشاد: (مش اي حد يوعظ ده للعلماء بس )


ومن اجتماع المرأة بالرجل للمصلحة الشرعية, اجتماع الرجل بالنساء لوعظهن وتعليمهن أمور الدين,

سواء كان وحده أو كان معه شخص آخر, فقد روى الإمام البخاري عن ابن عباس قال: خرج رسول الله-

صلى الله عليه وسلم يوم عيد فصلى ركعتين لم يصل قبل ولابعد ثم مال على النساء ومعه بلال فوعظهن

وأمرهن أن يتصدقن فجعلت المرأة تلقي القلب والخرص.







@@@@@@@@@@@@@@@@@@@@@@@@@@@@@@@@


وما ينفعش مثلا ولد يكلم بنت علي صندوق الرسائل الخاصة حتي لو بيستفسر عن حاجة لان
اكيد في كل منتدي مديرين ومشرفين رجال
فهذا لا يجوز

@@@@@@@@@@@@@@@@@@@@@@@@@@@@@@@@
avatar
المنتقبة
عدد المساهمات : 438
تاريخ التسجيل : 07/03/2010
العمر : 40
http://anamuslima.yoo7.com

رد: خمس حالات ينفع الولد يكلم فيها البنت

في الأحد مايو 16, 2010 1:56 pm
موضــــــــــــــــــوع جميل جدا
ياريت الشباب يقرأوا هذا الكلام علشان يعرفوا شرع ربنا ويطبقوة
لان في حاجات كتير بتحصل ولا ترضي ربنا ولا عادات ولا تقاليد
وكل واحد عارف هو بيعمل يه كويس قوي
اللهم بلغت اللهم فاشهد

---------------------------------------------------------------


????
زائر

رد

في الأحد مايو 16, 2010 8:21 pm
السلام عليكم ورحمه الله وبركاته

انا عارف انه كلام حضراتكم موجهه لمين ليا صح

قولى اسمى على طول عادى

عامتا انا عارف موقفى بقى زباله صح

فمن المنطق والعقل انى لا اصلح طبعا انا اتهزئت زياده شويه بطريقه غير مباشره

تمنياتى لحضراتكم التوفيق والنجاح وادعولى يا اساذه
avatar
المنتقبة
عدد المساهمات : 438
تاريخ التسجيل : 07/03/2010
العمر : 40
http://anamuslima.yoo7.com

رد: خمس حالات ينفع الولد يكلم فيها البنت

في الأحد مايو 16, 2010 9:14 pm
لا حول ولا قوه الا بالله
بعد كل الوقت ده ولسه بتناقش هذا الموضوع
الجميل في الامر انك فاهم وعارف كويس جدا ان الكلام يخصك
بس اللى مش حلو خالص انك مبتتعلمش من الدرس
في بدايه الامر كتبنا تنبيه كبيــــــــــــــــــــــــــر
يسد عين الشمس
وحذرنا من تداول الرسائل بين الجنسين
ليه؟؟؟؟؟؟؟؟؟؟؟؟؟؟؟؟
رخامه مننا يعني؟؟؟؟؟؟
لأ طبعا
لان ولا شرع الله ولا سنه الرسول صلى الله عليه وسلم يسمح بذلك
ولا عادات ولا تقاليد وبالاخص عندكم انتو في الصعيد مينفعش اختلاط
ولا انا غلطانه؟؟؟؟؟؟؟؟؟؟؟؟؟؟
لو غلطانه واجهني وقولي
انتى غلطانه
حضرتك بعد التنبيه عملت ايه؟؟؟؟؟؟؟؟؟؟؟؟؟؟؟؟
اتحمقتلك شويتين وقدمت ما يشبه استقالتك من المنتدى ورجعت في كلامك ومسحت اللى كتبته واستمريت في المشاركه بصوره طبيعيه بالمنتدى
الجميع قال ده خلاص ربنا هداه وعرف غلطته واكيد مش هيكرر ده تاني
انما انك متتعلمش من الدرس
متزعلش من الكلام ده يا اما انك لا تدرك الامور بموزاين صحيحه وسليمه
يا اما انك قاصد تدخل المنتدى وترخم على العضوات اللى مشتركه
يا اما انك بتفضل طريق اللف والدوران
وده يا محترم مش طريقنا
شوفلك منتدى تانى والمنتديات كتير على قفى من يشيل
وهتلاقي المنتدى اللى يناسبك تتعرف فيه على البنات وتبعتلها رسايل خاصه وكل اللى على مزاجك
انما منتدى البيت المسلم منتدى محترم
انا كان ممكن اعمله من البدايه للنساء فقط وكنت ريحت دماغي من الهم ده بس اكتشفت ان في اعضاء كتير مشتركين من الرجال محترمين وفرضوا علينا احترامهم بأسلوبهم
الراجل لما يحب يستفسر على شئ يراسل راجل زيه مش يتنطط من هنا شويه وهناك شويه تانيه حول العضوات المشتركات
وبرضه لو حبيت تفضل زي ما انت العضو المحترم الغير راغب في الاختلاط
اهلا ومرحبا
اما انك مش هتقدر تتحكم في نفسك مش هلغي عضويتك
لآلآلآلآلآلآلآلآ
هخليك زي ما انت
وهعمل اعلان في الصفحه الرئيسيه وهحذر فيها جميع الاعضاء من التعامل معاك نهائيا من خلال المنتدى
يعني هتبقى عضو منبــــــــــــــــــــــــــــــوذ
اعذرني كان ممكن ابعتلك الكلام ده في رساله خاصه بس للاسف...................
انا معاهده نفسي قدام ربنا اني ابقى انسانه محترمه طول عمري
ومتكلمش مع اي راجل غاوي الطريق الخطأ


---------------------------------------------------------------


????
زائر

رد

في الإثنين مايو 17, 2010 6:48 pm
السلام عليكم ورحمه الله وبركاته

طبعا الموضوع محرج وخاصه انى ادافع عن نفسى بس انا حوضح لحضرتك معلومه

استاذتنا العظيمه

رد على حضرتك حنجزها فى سطرين

انا مش داخل المنتدى علشان اتعرف على بنات ولا انى اخلس على الساده الاعضاء
لف ودوران ايه الا حضرتك بتقولى عليه

انا لا ارخم على حد واذا كنت برخم على حد تعبيرك فارجوا من حضرتك تنظر الموضوع وتحقق انا ارسلت ايه

وثانيا
انا عايز اعرف مين مشرفين رجال اعتقد انه ما فيش غير العضو كان زمان 2008 ان شاء الله ربنا يكرمه
يا استاذه حضرتك ما سالتنيس انا عرفت المنتدى عن طريق ايه
ثالثا انا لو عايز اتعرف على حد او اكلم حد على حد تعبيرك
ارخم على اساذه محترمين بالعقل كده
هى استاذه واحده ربما اكون صحيح تجاوذت حدودى معاه وحضرتك عارفه كويس بس ده لمصلحتها
هى لا بتذاكر وطول اليوم 24 ساعه على النت وعلى المنتدى والامتحانات خلاص وحضرتك عارفه ده كويس حضرتك لو عندك بنت تقدر تخليها على المنتدى 24 ساعه ده حرام
ثالثا
سمعتى سبقانى بالاخلاق وانا مش حقعد اكرم نفسى زياده عن اللزوم
ومن رحمه ربنا بينا انه ربنا بيطلع على ما فى القلوب
رابعا
انا معرفش الساده الاعضاء ولا حضرتك علشان ارخم عليك
وبعدين انا لما اكون موجود على منتدى ما فيش حد فى الغالب بيكون موجود معايا الا 1 او 2 فهل هذا معقول
خامسا
انا باطلب من حضرتك الاطلاع على الرسائل الخاصه بنفسك علشان تقدر تحكم كويس

وبعدين انا حاسس من كلام فيه سخريه وتريقه ليه يعنى

عامتا ربما اكون مخطأ

بالنسبه للاعلان يا استاذه
اعمل اعلان فى المنتدى وعلى الصفحه الرئيسيه انا موافق تعرف ليه موافق
لانى اولا الساده الاعضاء محترمين وذى ما حضرتك محترم الساده الاعضاء محترمين وعارفين الكلام ده كويس

اعمل اعلان وكرهى الساده الاعضاء فيا

بالمناسبه

ايه حكايه الصوره اداره المنتدى منزلاها ليا كل ما انزل موضوع القى صوره لا تكتبو رد ولا اقتلها انا ما نزلت الصوره ولا انا كعضو شفتها قبل كده
يبقى مين وحديها نزلت لما حضرتك او المشرفين ده عيب اوى

فى تلك الحالات اعمل الا يريحك تعمل اعلان تطردنى الا يريحك اعمله

وبوجه كلمه للساده الاعضاء

اذا كنت تجاوذت حدودى مع حضراتكم وخاصه العضو مسك الجنه فرد عليا وقول تجاوذت
بالمناسبه يا استاذ / مسك الجنه
استاذ ذاكر انتى مخلوق علشان تؤدى رساله احنا مش عايزين نجاح وخلاص احنا عايزين تقدير فاهمه والنت موجود فى الاجازه
ركز فى مذاكرتك وبطل قعاد على النت فاهمه
نجاح بس كل الطلاب بتنجح نجاح عادى حرام عليك تضيع مجهودك وذكاءك
ركز وذاكر احنا مش عايزين منك حاجه على الاقل تكون استاذ محترم نقدره ونحترمه
-----------
وفى تلك الحالات انا متاسف
لاحول ولا قوه الا بالله
avatar
مسك الجنة
عدد المساهمات : 277
تاريخ التسجيل : 22/03/2010
العمر : 25

رد: خمس حالات ينفع الولد يكلم فيها البنت

في الإثنين مايو 17, 2010 9:40 pm
ضوابط لابد ان تتوافر فى مستخدمى النت والمنتديات




1- راقب الله تعالى فيما تكتب.


2- تجديد النية...
فلنجعل نيتنا خالصة لوجه الله الكريم، حتى يكون عملنا في ميزان حسناتنا بإذن الله ولا يكون علينا وبالا والعياذ بالله.


3- ضوابط المشاركات
أولا : بين الأخوات و بعضهن أو بين الإخوة وبعضهم
* يمنع وضع الوجوه التعبيرية على العام وجمل المدح و الثناء و الشكر.
* ويراعى تجنب الغلو في عبارات المدح والثناء بين الأعضاء جميعا على حد سواء.
* التحدث فيما يخص الموضوع وعدم الإكثار من الحوار في المواضيع الجانبية.
* عدم التعمق في ذكر التفاصيل أو المشاكل الشخصية دون فائدة أو خارج نطاق الدعوة.

ثانيا : المشاركات بين الإخوة والأخوات
يمنع الرد بين الإخوه و الأخوات إلا للضرورة
**** وممنوع منعاً باتااااااااااا وضع الإبتسامات بين الإخوة و الأخوات

و لو حدث وكان هناك رد بين أخ و أخت ,, فلابد من اتقاء الله فى الرد ,, فالشبهة خطافه والنفوس ضعيفه
والنبي صلى الله عليه وسلم حذر من فتنة النساء وقال ".. ما رأيت من ناقصات عقل ودين أذهب للب الرجل الحازم من إحداكن" [صححه الألباني في صحيح وضعيف الجامع]

ففكر فى ردك قبل ان تكتبه ,, وانتِ فكرى فى ردك قبل كتابته
قال تعالى : " إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق "
فتوبوا الى الله واتقوه يجعل لكم من كل هم مخرجا


4- نوعية الموضوعات التي يتم طرحها في المنتدى أو الموقع أو أي شيء متعلق بالموقع:
*يمنع منعا باتا كتابة اي موضوع مخالف لمنهج أهل السنة والجماعة.
*عدم الترويج للأفكارالمخالفة لعقيدة أهل السنة و الجماعة.
*عدم طرح الموضوعات التي تثير الجدل
*عدم الإساءة إلى العلماء تصريحا أو تلميحًا.
*التأكد من صحة المصدر.



5- يمنع وضع صور ذوات أرواح
سواءً كان في التوقيع أو المواضيع " حيوانات-إنسان...و غير ذلك من ذوات الأرواح
و لا داعي لصور العيون وما إلى ذلك سدا للذريعة.


6- التوقيع و حجمه و ضوابط الكتابة فيه:
يجب أن تتوافر فيه شروط المواضيع وألا يدعو لأي شيء يخالف منهج أهل السنة


7- الاسم والصور الرمزية و البيانات الشخصية للعضو"ة":
*عدم استخدام اسم غير لائق شرعًا أو أخلاقيًا عند التسجيل،
وعدم التسجيل بحروف مبهمة، أو أرقام، وسيتم حذف عضويتك مباشرة أو التعديل عليها دون سابق إنذار .
*يمنع منعا باتا وضع المعلومات الشخصية: البريد الإلكتروني-أرقام الهواتف- العنوان- صورة شخصية...


8- منع الرسائل الخاصة في المنتدى
سدا للذريعة و منعا للفتنة، و حفاظا على الإخوة والأخوات من مداخل الشيطان.


9- في حالة العثور علي أي مخالفة في الحوار- معك أو مع أحد من إخوانك - يرجي تبليغ الادارة





منقوووووووووووول
من منتدي خاص بالشيخ هاني حلمي زوج بنت الشيخ حسين يعقوب

يعني احنا مش بنبالغ او بنغلو في الدين
لكن ده رأي المشايخ والعلماء
avatar
مسك الجنة
عدد المساهمات : 277
تاريخ التسجيل : 22/03/2010
العمر : 25

رد: خمس حالات ينفع الولد يكلم فيها البنت

في الثلاثاء مايو 18, 2010 2:33 am
انا نقلت الموضوع كامل من المنتدي رغم ان في حاجات ملهاش علاقة بالموضوع
بس انا حبيت انقله كامل عشان ابين ان اد ايه كاتب الموضوع مركز علي حكاية الرسائل الخاصة
avatar
twety memoتويتي ميمو
عدد المساهمات : 17
تاريخ التسجيل : 08/05/2010

رد: خمس حالات ينفع الولد يكلم فيها البنت

في الثلاثاء مايو 18, 2010 4:43 am
ههههههههههههههههههههههههه
اعتقد ان كل واحد فى الدنيا دى عارف مصلحتة كويس
ومش محتاج لنصيحة حد مش يعرفة
وافتكر ان لو فى حد عاوز ينصح حد مش يبعتلة رسالة خاصة ولا اية
وفى مثل شائع وكل الناس عارفاة
"من تدخل فى ما لا يعنية سمع ما لا يرضية"
وافتكر انك سمعت فعلا ما لا يرضيك
فيريت كل واحد يخلية فى حالة افضل
وحضرتك مش هتبقى خايف على مصلحتها اكثر منها
ومتنساش المثل اللى قلتة من شوية
وعموما متشكرين على النصيحة بتاعت حضرتك
وبطل رخامة
كنزي
عدد المساهمات : 113
تاريخ التسجيل : 10/04/2010
العمر : 31

رد: خمس حالات ينفع الولد يكلم فيها البنت

في الثلاثاء مايو 18, 2010 12:37 pm
يا جماعة اعتقد الامور مشيت في غير موضعها


الرجل كان بينصح والاخت مسك الجنة اكيد هتقبل النصيحة
لان الاسلام دين النصيحة
بس رجاء من الاخ الكريم عدم التعرض للاخوات هنا في هذا المنتدي وان يوجة عملة لله فقط لاغير

واعتقد انه اوضح ذلك فلنشكرة جميع
وهو ان شاء الله هيكون عند حسن ظننا

اخوكم خالد نور
avatar
مسك الجنة
عدد المساهمات : 277
تاريخ التسجيل : 22/03/2010
العمر : 25

رد: خمس حالات ينفع الولد يكلم فيها البنت

في الثلاثاء مايو 18, 2010 1:35 pm
الرسايل اللي كانت بتتبعت مش نصايح عن المذاكره بس
دي رسايل كتيير
عموما حصل خير

وانا مسامحاه لان شكله طيب وعلي الفطره

وان شاء الله يكمل في المنتدي بس بدون رسايل خاصة للاخوات
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى