شاطر
استعرض الموضوع السابقاذهب الى الأسفلاستعرض الموضوع التالي
avatar
المنتقبة
عدد المساهمات : 438
تاريخ التسجيل : 07/03/2010
العمر : 40
http://anamuslima.yoo7.com

يلا بينا نخس مع بعض

في الأحد مارس 07, 2010 10:44 pm
بسم الله الرحمن الرحيم


الهم صلى على محمد وعلى ال محمد

كما صليت على ابراهيم وعلى ال
ابراهيم
يلا بينا نخس شويه
]
اولا الموضوع منقول من موقع

دى فى دى فور
ارب


وبعد الموضوع انا هعلق عادى
وهقول تجربتى



كاتب الموضوع اسمه
shatou


جزاه الله كل
خير


نخش بقى على الموضوع


..................................................
...................

تعرف احسن حاجه
تخليك تخس ايه هيا؟؟؟

اربع حاجات لو
حققتهم فعلا وبذمة هتخس ....

وممكن
تستغنى عن واحده منهم وتكسفها فى الباقى ....

قبل ما ابدا احب اقول النظام ده مشهور جدا فى كندا وحققت نتايج غير
طبيعية وللاسف بيستخدموا اعشاب مش موجود لها مثيل فى مصر لحد ما لقيت نوع معين
هيفيد الناس....

من الاخر انا
هاظبطكم دلوقتى...



نبدا باول
حاجه:

1.
الرياضة

الكلمه دى بتضايق ناس
كتييييير بس بجد انا هاريحهم دلوقتى ....

فيه ناس تقولك رياضة ايه يا عم هو انا فيا نفس
اصلا!!!؟؟؟

وده كلام منطقى ازاى
واحد او واحده سمينه وعايزهم يعدوا يجروا وتمارين بطن ... ده بيطلع السلالم
بالعافية ....

وفيه ناس تقول ان
معنديش وقت وده منطقى انا شخصيا وبسبب شغلى مبلقيش وقت بسهولة
....

طيب تعالوا نحل
المشكلة:

الخطوه الاولى: انا عايز
اللى بيقرا الكلام ده بغض النظر عن وزنه (لان الموضوع ده مش خاص بالتخسيس بس) يحسب
الحسبة دى:

مؤشر كتلة الجسم: وزنك
بالكيلوجرام / (طولك بالمتر X طولك بالمتر)

لو الرقم ده :
أكبر من 30
--------< عندك سمنة بمعناها الحقيقى , هنا مطلوب منك المشى فى بداية الريجيم ع
الاقل نصف ساعه كاملين يوميا فى مكان مخصص بالمشى بمعنى متمشيش فى شارع عباس العقاد
وعمال تتطلع وتنزل وتخبط فى ده وتخبط فى دى نص ساعه وتقول انا مشيت لا امشى حوالين
حديقة الطفل اللى فى مكرم عبيد مثلا بتاع نص ساعه ده مكان كويس او فى تراك النادى
مثلا ده ممتاز ومريح جدا جدا للقدمين... وطول ما انت ماشى فى الريجيم بتحسب الرقم
ده طالما موصلش لل 25 يبقى تديها مشى وبسسسسسس مفيش اى نوع تانى من الرياضات وطبعا
طبعا مع الوقت زود فترة المشى لحد ساعه ونصف كاملين بدون اى توقف ودى باه براحتك
لانك عقبال ما تاخد من 30 لحد 25 ادامك فترة جميله....


لو الرقم بين 25 و 30 --------<
انت كده بتاعنى من زيادة الوزن ودى تفرق عن السمنه بانهاء مؤشر لقربك من السمنه لان
السمنه مرض فى حين الزيادة ممكن تتخلص منها وملهاش اضرار صحيه اوى زى السمنه
(تاثيرها على المظهر الخارجى فقط) هنا مطلوب منك تبدا ممارسة المشى لمدة ساعه كامله
بدون توقف وتزودها لحد ساعه ونص بس + تمارين سويدى لمدة ربع ساعه فقط (التمارين
السويدى موجوده فى المنتدى كتييييير واختار اللى يعجبك منها المهم تنوع التمارين
على اجزاء جسمك) وتمارين السويدى تقدر تزودا تدرجى لحد ساعه الا ربع فقط متعملش
فيها بطل وتزود عن المده دى لانك المفروض بتمشى يوميا (التمارين السويدى يوم اه
ويوم لأ)


لو الرقم أقل من 25 --------<
انت ماشاء الله لاتعانى من اى زيادة (بس خلى بالك تدخل فى النحافة دى ابشع مية مره
من السمنة) هنا باه ارمى نفسك فى حمام سباحة واديها سباحه العب كرة يد وقدم وسلة
وتنس وكل انواع الرياضات بما فيها كمال الاجسام .....


بالنسبة للوقت .... مش عارف اقول
ايه بصراحه بس انت لو اخدت بالك انا حاطط مدة الرياضة حاجه بسيطه وان شاء الله تقدر
تحققها ولو مقدرتش خالص يبقى سيبك من الرياضة وامرك لله وخلينا فى اللى
جاى....


2. نظام
صحى:

هنا باه مفاجاة الموضوع
...كل اى حاجه نفسك فيها بس بشرط حاجتين:

اول شرط: ليك تلت مواعيد فى اليوم تاكل فيهم اوعى اوعى اوعى تاكل بينهم
ولا حتى خياره او خس او معرفش ايه اللى بيقولوا عليه دكاترة التخسيس ... انا بديك
اوبشن تاكل اللى نفسك فيه بس بشرط متاكلش اى حاجه فى الوسط... عندك فطار وغدا وعشا
فى الفطار عايز تاكل جبنه فى عيش فينو كل (مبقولش عيش ريجيم او سن) كل زى ما انت
عايز من انواع الاكل ....

تانى شرط:
"أحترم نفسك" ...انا طبعا مقصدش اهانه انا اقصدى اول ما تحس وانت بتاكل انك شبعت
وقف اكل حتى لو الطبق لسه مليان غطيه باى طبق تانى وحطه فى التلاجه على طول ...
متاكلش حتى لو انت شبعان احترم معدتك شويه...ودايما فكر نفسك اول ما تشبع وتبقى فى
الطبق حاجه "مش لازم اكل دلوقتى لسه فيه وجبة جاية " سواء كانت فطار او غدا او
عشا....


3. أدوية واعشاب تساعد على
التخسيس:

هنا باه فى جمهور
رهييييب هيهاجمنى حالا دلوقتى هتهاجمنى ويقولى ده غلط وملوش لازمه ...كل اللى هقوله
يا جماعه ده نظام كندى للتخسيس ومشهور جدا اللى عايز يمشى عليه اهلا وسهلا .... اول
اسبوع هتبدا بدوا مشهور عالميا اسمه فتاشى " Fattache" الدوا ده ممتاز فى انه
:

- بيخسس
- يحسسك بالشبع
- يمنع الزيادة فى الوزن حتى لو خرفت يومين فى
الوسط...

خدوا الجزء ده من مقالة
علمية:

According to medical
journals, Fattache is truly effective. Fattache is natural fiber supplement
which should to be used with 8 glasses of water daily to support its action in
body. There is no clinical evidence that Fattache doesn’t interact with any
other medication, but if you use medicaments, for any case, consult your doctor.
No other side effects had been founded. Only difference between Fattache Clasico
and Fattache Forte is that Fattache Forte is stronger and makes you loose your
weight faster. Fattache Forte is made for people who enjoy high-fat diet, who
has high cholesterol or high blood-pressure. If you don’t find yourself in that
category, Fattache Clasico will work just fine for. Fattache Carbo Control helps
control sugar level in blood and metabolize it so that it won’t be stored as fat
in body. Apart of loosing weight, Fattache Carbo Control is good prevention for
diabetes, hypoglycemia and similar problems. Considering your permanent health
condition, I am positive that you will make a good
choice.


ولو اخدت بالكم فيه من الدوا ده
تلت انواع:

Fattache Clasico وده
كان اول واحد ينزل من النوع ده ويفضل استخدما للناس اللى عندهم مؤشر كتلة الجسم أقل
من 30 .....

Fattache Forte وده
بيستخدم للى عندهم دهون كتيير ومؤشر كتلة الجسم عندهم اكتر من 30
.....

Fattache Carbo وده بيستخدم
للى بيخسوا لكن بياعنوا من مرض السكر


للاسف فى مصر الموجود هو واحد بس
الاولانى خالص وسعره فى السوق 17 جنيه للشريط الواحد والشريط 10 كبسولات والعلبة
شريطين (يبقى 20 ... بتشرب كباية ميه كبيره اوى بقدر الامكان ومعاهم كبسولتين قبل
الاكل بربع ساعه ولو حسيت انك خرفت اوى اوى خد واحده بعد الاكل بس ده لو حسيت انك
خرفت اوى اوى ... تعالوا باه نحسبها ...انت اول اسبوع فى الشهر ليك انك تاخد
الكبسولتين دول قبل الغدا بس يبقى العلبة هتكفيك اول اسبوع وهيتبقى 6 كبسولات
بالتمام ... ده هيكون اول اسبوع يا جماعه ...


تانى اسبوع هتوقف الفتاشى تماماً
وهتشرب خليط من الاعشاب دى:

1.
الشيكوريا

2.
الكرفس.

3.
ماجورام.

4.
الكانديولا

للاسف الشديد جدا جدا
جدا النسب بتاعتهم ضاعت من عندى...

لكن انا لاقيت فى السوق شاى اعشاب سيكم "sekem herbal
tea"

الشاى ده ممتاز يا جماعه فعلا
لكن الاعشاب دى مكثفه جدا فيه فيجب استعماله بحذر جدا ... المطلوب منك تانى اسبوع
تشربلك قبل الغدا كوبايه 160 مللى محطوط فيها فتلتين (مش فتله واحده لانه هتلاقى ع
العلبه كاتب فتله لأ حطط فتلتين) وقبل العشا نفس الكلام بس فتلة واحده
....


العلبة فيها خمسين فتلة (ده المقاس
الكبير اللى هتشتريه متجبش الصغير مش هيكفى ولو حسبتها هيبقى اغلى) وتمن العلبة 12
جنيه ...من اى سوبر ماركت او صيدلية .... (تنبيه: سيبك من الكلام اللى موجود على
العلبة بره هيقولك تشرب خمس مرات ومعرفش ايه سيبك من ده وامشى على اللى بقولك
عليه)....

لو حسبتها هتخلس فى
الاسبوع 21 فتلة هيتبقى نص العلبة تقريبا...


اهم تنبيه
باه:

الشاى ده بيعمل اسهال رهيييييب
لو اكلت اكل فيه دهون كتير ...متقلقش من الاسهال ده لانه بيخلسك من الدهون دى
واستحمل الوجع شويه ... ولو انت معتدل ف اكلك ان شاء الله مش هيحصلك كده (يا شباب
محدش يزود عن اللى انا قولته ومتفرحش انك بتخس وتزود الكميه زيادة الكميه له
اضرارها ومش هقولها عشان مخوفش الناس)...


الاسبوع التالت باه : وقف الشاى
تمام وارجع تانى للفتاشى لكن زود حبايتين قبل العشا كمان مع كوباية ميه كبيييييره
جدااااا (مهم جدا موضوع الميه ده لو ملكش نفس).....


الاسبوع الرابع: وقف الفتاشى وارجع
للشاى بنفس النسب والكميات.,..


الاسبوع خامس وقف الشاى وارجع
للفتاشى وهكذا باه يا جماعه ....

(الهدف من الحركة طبقا للى شرحوا النظام ده تحريك المعده والدهون فى
الجسم باكثر من مؤثر ويمنع بقاء الاعشاب او مكونات الفاتشى فى الجسم فى المستقبل
وبالتالى الحفاظ على الجسم من اى مكونات خارجيه)


4. انتوا لو فاكرين اول حاجه
الرياضة تانى حاجه نظام صحى فى الاكل تالت حاجه الفتاشى والاعشاب ... رابع حاجه باه
هتضحكم بس والله العظيم مهمه جدا اياك اياك اياك ممارسة التخسيس لوحدك شوف واحد او
واحده تخينه برده وخسوا مع بعض ...ايوه صحيح مش هتخسوا بنفس السرعه لان كل جسم وله
نظامه بس فعلا هتشجعوا بعض جدا جدا .... انا يسعدنى انى اشاركم كلكم وانا فعلا
هابدا امشى ع الريجيم ده من اول السنه اللى جايا ....


قبل ما انهى عايز اقول شوية
ملحوظات هامه لاى حد بيمشى على ريجيم:

1. الريجيم ده هيبقى حياتك خلاص...انا منعتكش عن حاجه ولا قولتك كل دى
ومتكلش دى انا ظبطت حياتك ونظامك فى الاكل امشى عليه ولما تلاقى نفسك وصلك للوزن
اللى عاوزه ومؤشر كتلة الجسم اقل عن 25 ابدا وقف الاعشاب واستخدم بس الفتاشى على
خفيف كده...


2. رياضة حلوه وبتديك قوام جميل
ومفيش شك من كده لازم تمارسها ...معندكش وقت اتصرف واخلق وقت .... معندكش نفس اقرا
كويس انا قولت ايه وان شاء الله هتلاقى عندك نفس
وهتدعيلى...


3. لو عندك اى استفسار متترددش
واسأل انا موجود بانتظام على المنتدى...


4. انا هابدا الريجيم من اول السنه
وهابدا اقولكم وزنى علنى كده وهنقيس وزننا كل اسبوع وهقولكم على وزنى ونشوف تاثير
الريجيم مع بعض ان شاء الله...


5. الفتاشى والاعشاب لاى واحد عايز
يخس مادام مؤشر كتلة الجسم اكبر من 25

بس ممنوع منعا باتا استخدام الاعشاب لمن هيمكلون مؤشر اقل من 25 (بجد بجد
هيسببلك مرض وهينزل كل الفيتامينات اللى ف جسمك) ....

دي تجربة الي نقل الموضوع

يارب اكون انا كمان فيدتكم وان شاء الله
هانفذو من بكرة والي عايزة تبدا معايا تتفضل ونبقى نطمن على بعض كل اخر اسبوع

اذا اعجبك الموضوع و اردت نشره في المنتديات
الاخرى فاستخدمي هذا الرابط:
المحبه للحق
عدد المساهمات : 6
تاريخ التسجيل : 26/03/2010

رد: يلا بينا نخس مع بعض

في الجمعة مارس 26, 2010 12:32 pm
مشكورة كل الشكر أختي المنتقبة موضوع متميز جداً
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى